3 ပတ်ကျော် အနားယူရတော့မယ့် ရာကီတစ် နဲ့ နံနက်ခင်း သတင်းတိုများ

3 ပတ်ကျော် အနားယူရတော့မယ့် ရာကီတစ် နဲ့ နံနက်ခင်း သတင်းတိုများ

* အေစီမီလန် အသင်းဟာ ဒဏ်ရာ ပြသနာတွေ နဲ့ ဆက်တိုက် ကြုံနေရာတာကြောင့် ချဲဆီး ကနေ ထွက်ခွာဖို့ ဟန်ပြင်နေတဲ့ ကွင်းလယ် ကစာသမား ဖာဘရီဂတ်ကို ခေါ်ယူဖို့ အတွက် ကနဦး ဆက်သွယ်မှုတွေ ပြုလုပ် ထားခဲ့ပြီး ဖြစ်ပါတယ် ၊ သို့သော် သူ့ရဲ့ မြင့်မားတဲ့ လစာ ပမာဏကတော့ အပြောင်းအရွှေ့ ကိစ္စတွေအတွက် အဓိက ဆွေးနွေးရမယ့် အချက် တစ်ချက် ဖြစ်လာဖွယ် ရှိနေပါတယ်။

* ယူနိုက်တက်ဟာ ရိုးမား အသင်းရဲ့ အသက် 22 နှစ် အရွယ် ကွင်းလယ် ကစားသမားလေး ပယ်လီဂရီနီကို ပြောင်းရွှေ့ကြေး ပေါင် 26 သန်း ပေးပြီး ခေါ်ယူဖို့ ပြင်ဆင်နေတယ်လို့ အီတလီ သတင်းတွေက ဖော်ပြ နေကြပါတယ်။ ကစားသမား ရဲ့ လက်ရှိ စာချုပ်ဟာ 2022 ခုနှစ် အထိ ရှိနေသေးသော်လဲ ၊ သူ့ရဲ့ လုပ်ခ က တစ်နှစ်မှ ယူရို 1 သန်း သာ ရှိနေတာကြောင့် ၊ အဲဒီ လစာ ပမာဏရဲ့ နှစ်ဆ အထိ တိုးပေးပြီး ခေါ်ယူဖို့ ယူနိုက်တက် ဘက်က ကြိုးစားလာခဲ့ တာပါ။

* ဂါရတ်ဘေးလ် ရဲ့ စွမ်းဆောင်ရည်တွေကို အပေါ် ကျေနပ် အားရခြင်း မရှိခဲ့သည့် နောက်ပိုင်း ၊ ရီးရဲ မက်ဒရစ် အသင်းဟာ ဇန်န၀ါရီ ကာလမှာ တိုက်စစ်မှုး တစ်ဦး ခေါ်ယူဖို့ အတွက် ဈေးကွက်ထဲကို စတင် ၀င်ရောက် လာခဲ့ပြီ ဖြစ်တယ်လို့ သတင်းတွေက ဆိုပါတယ်။

* မနေ့ညက ကစားခဲ့တဲ့ အင်္ဂလန် နဲ့ ခရိုရေးရှား တို့ ပွဲစဉ်မှာ ပွဲထွက် ကစားသမား စာရင်းမှာ ပါဝင်လာခြင်း မရှိတဲ့ ကွင်းလယ် ကစားသမား ဟန်ဒါဆင်ဟာ တံကောက်ကြော ဒဏ်ရာရရှိနေတာ ကြောင့် ၊ ဒဲ့ဖ်နဲ့ အစားထိုး လိုက်ရတာ ဖြစ်တယ်လို့ သိရပါတယ်။ မန်စီးတီး ကစားသမား ဒဲ့ဖ်ဟာ ပွဲအစပိုင်း အမှား လုပ်မိတာက လွဲရင် ၊ ပထမပိုင်းမှာ တော်တော်လေး ခြေစွမ်းပြ ကစားသွားနိုင်ခဲ့ ပါတယ်။

* ယူနိုက်တက် နောက်တန်း ကစားသမား နဗီးလ် ကတော့ သူ့ အသင်းဟောင်းက ဒီဂီယာ ရဲ့ နေရာကို ပစ်ဖို့ဒ် နဲ့ အစားထိုးဖို့ ပြင်ဆင်နေတယ်လို့ ထွက်ပေါ်လာတဲ့ သတင်းတွေ နဲ့ ပတ်သက်ပြီး မှတ်ချက်ပေးဖို့ ငြင်းဆန်ခဲ့ပေမယ့် ၊ ပစ်ဖို့ဒ်ဟာ ဂိုးသမားကောင်း တစ်ယောက် ဖြစ်သည့်တိုင်အောင် ၊ ပီတာ ရှမိုက်ကယ် တို့လို အရှိန် အဟုန် ကြီးမားတဲ့ ဂိုးသမား မဟုတ်သေးဘူးလို့ ပြောဆို သွားခဲ့ ပါတယ်။

* ရမ်ဆေးဟာ ဘိုင်ယန် မြူးနစ် ရဲ့ ကမ်းလှမ်းမှုကို ပယ်ချပြီး ၊ ဂျူဗီကို ပြောင်းရွှေ့မယ် ဆိုပါက တစ်နှစ်လုပ်ခ ပေါင် 10.4 သန်း ၀န်းကျင် ရရှိဖွယ် ရှိနေပါတယ်။

* Express သတင်း ဌာန ကတော့ မန်စီးတီး အသင်းဟာ အေဂျက် ကွင်းလယ် ကစားသမားလေး ဒီဂျောင်ကို ခေါ်ယူဖို့ အတွက် ဘာစီလိုနာ ၊ စပါး အသင်းတို့ကို အသာစီး ရယူနိုင်ခဲ့ပြီ ဖြစ်တယ်လို့ ဖော်ပြ သွားခဲ့ ပါတယ်။

* တစ်ချိန်တည်းမှာပဲ တိုက်စစ် အင်အားဖြည့်တင်းဖို့ ပြင်ဆင်နေတဲ့ ချဲဆီးဟာ ဂျီနိုအာ အသင်းရဲ့ ဂိုးသွင်းစက် ပီယာတီကို ဇန်န၀ါရီ ကာလမှာ ခေါ်ယူဖို့ ကနဦး အားထုတ်မှုတွေ ပြုလုပ်လျှက် ရှိနေပါတယ်။

* မနေ့ညက ကစားခဲ့တဲ့ စပိန် နဲ့ ဘော့စနီးယား တို့ရဲ့ ခြေစမ်းပွဲစဉ်မှာ ၊ ရီးရဲ ကင်းထောက်တွေဟာ ရိုးမား အသင်းရဲ့ တိုက်စစ်မှုး ဇက်ကိုရဲ့ ခြေစွမ်းကို စောင့်ကြည့်ခဲ့ကြတယ်လို့ မက်ဒရစ် အခြေစိုက် သတင်းတွေက ထုတ်ဖော် ရေးသား လိုက်ပါတယ်။

* ဒဏ်ရာပြသနာကြောင့် တစ်လနီးပါး အနားယူ ရတော့မယ့် ရီးရဲ မက်ဒရစ် အသင်းရဲ့ ကွင်းလယ် ကစားသမား ကက်စမဲရိုးဟာ နိုဝင်ဘာလ 27 ရက်နေ့မှာ ကစားမယ့် ရိုးမား နဲ့ ချန်ပီယံလိဂ် ပွဲစဉ်ကိုလဲ ပါဝင် ကစားပေး နိုင်ဖွယ် မရှိပါဘူး။

* ဖီအိုရင်တီးနား အသင်းရဲ့ ကြယ်ပွင့် ကစားသမားလေး ချီစီယာ ကို ခေါ်ယူဖို့ စိတ်ဝင်စားနေတဲ့ အသင်းထဲမှာ အင်တာ ၊ ဂျူဗီ တို့ အပြင် အင်္ဂလန်က ချဲဆီး နဲ့ လီဗာပူး အသင်းတို့လဲ ပါဝင်လာခဲ့ပြီ ဖြစ်တယ်လို့ အီတလီ သတင်းတွေက ဖော်ပြလိုက် ပါတယ်။

* La Repubblica သတင်း မှာတော့ ယူနိုက်တက်ဟာ ကူလီဘယ်လီ အတွက် ယူရို သန်း 90 နဲ့ ကမ်းလှမ်းမှုတွေ ပြုလုပ်ခဲ့ပေမယ့် ၊ နာပိုလီ ဘက်က ပယ်ချသွားခဲ့တာ ဖြစ်တယ်လို့ ဖော်ပြလိုက်ပါတယ်။ တစ်ချိန်တည်းမှာပဲ ကစားသမားဟာ 2023 ခုနှစ် အထိ စာချုပ် သက်တမ်း တိုးထားခဲ့ပေမယ့် ၊ အဲဒီ စာချုပ်မှာ ယူရို သန်း 100 နဲ့ ကမ်းလှမ်းမှုတွေ ရှိရင် အသင်းကနေ ထွက်ခွာခွင့် ပေးဖို့ သဘောတူညီချက်ကို ထည့်သွင်းထားတယ်လို့ ဆိုပါတယ် ။

* ဘာစီလိုနာ အသင်းဟာ သူတို့ ရဲ့ ကစားသမား ရာကီတစ် ရဲ့ ဒဏ်ရာ နဲ့ ပတ်သက်ပြီး တရားဝင် ကြေငြာချက် ထုတ်ပြန်လိုက်ရာ ၊ တံကောက်ကြော ဒဏ်ရာ ရရှိခဲ့တာ ဖြစ်တယ်လို့ အတည်ပြုသွားခဲ့ပြီး အနည်းဆုံး 3 ပတ် နဲ့ အထက် အနားယူ ရတော့မှာ ဖြစ်တယ်လို့ ခန့်မှန်း နေကြပါတယ်။

* ဘရာဇီး လူငယ် ကစားသမားလေးတွေကို အဓိကထား ခေါ်ယူလျှက် ရှိနေတဲ့ ရီးရဲ မက်ဒရစ် အသင်းဟာ လက်ရှိမှာလဲ ကိုရင်သီယန် အသင်းက လူငယ် ခြေတက် ကစားသမားလေး ပီဒရင်ဟို ကို ခေါ်ယူဖို့ အတွက် ကနဦး ဆက်သွယ်မှုတွေ စတင် ပြုလုပ်လိုက်ပြီ ဖြစ်ပါတယ်။

* စပိန် နဲ့ ဘော့စနီးယား တို့ ကစားခဲ့တဲ့ ပွဲစဉ် မတိုင်မီမှာတော့ ၊ စပိန် ဘောလုံး အဖွဲ့ချုပ်ဟာ မကြာခင်ကမှ လက်ရွေးစင် ကစားသမား ဘ၀ကနေ အနားယူထားခဲ့တဲ့ ကွင်းလယ် ကစားသမား ဒေးဗစ် ဆေးဗားကို ဂုဏ်ပြုတဲ့ အခမ်အးနားလေး ကျင်းပ ပေးသွားခဲ့ ပါတယ်။ ဆေးဗားဟာ စပိန် လက်ရွေးစင် အသင်းအတွက် စုစုပေါင်း 125 ပွဲ အထိ ကစားပေးခဲ့သူ ဖြစ်ပါတယ်။

* PSG ဥက္ကဌဟောင်း ချာလက် ကတော့ ရီးရဲ မက်ဒရစ်ဟာ အာဆင်နယ် နည်းပြ အဖြစ် ဆောင်ရွက်နေခဲ့တဲ့ ၀င်းဂါးကို သူတို့ အသင်းဆီ ခေါ်ဆောင်ဖို့ ၊ သူ့ရဲ့ ရှေ့မှာပဲ နှစ်ဦး နှစ်ဖက် ဆွေးနွေးခဲ့ကြတာ ဖြစ်တယ်လို့ ထုတ်ဖော် ပြောဆိုသွားခဲ့ပြီး ၊ ပြင်သစ် သားကြီးက အာဆင်နယ်မှာသာ ဆက်နေဖို့ ဆုံးဖြတ်သွားခဲ့တာ ဖြစ်တယ်လို့ အင်တာဗျူး တစ်ခုမှာ ထုတ်ဖော် ပြောဆို သွားခဲ့ ပါတယ်။

* ကိုင်လီယံ ဘာပေ ကတော့ ဒီနှစ်အတွက် ဘလွန်းဒီအော်ဆု ဟာ ဘယ်သူ ရမလဲ ဆိုတာ မခန့်မှန်း တတ်ပေမယ့် ၊ ပြင်သစ် ကစားသမား တစ်ယောက်ယောက်တော့ ဖြစ်သင့်တယ်လို့ မှတ်ချက် ပေးသွားခဲ့ ပါတယ်။

One thought on “3 ပတ်ကျော် အနားယူရတော့မယ့် ရာကီတစ် နဲ့ နံနက်ခင်း သတင်းတိုများ”

Leave a Reply

Your email address will not be published.